Wanneer Doulos van die Internet afgelaai en geinstalleer word, is hy 'n volwaardige program waarmee kerklike adminstrasie gedoen kan word. Die beste van alles: dit is gratis.
Kerke is welkom om Doulos gratis van die internet af te laai en te gebruik.
Doulos is beskikbaar in twee weergawes, nl: Doulos lig en Doulos Professioneel.
Wanneer Doulos van die internet afgelaai word, is hy die ligte weergawe. Gemeentes het dan die opsie om Doulos Professioneel gratis te registreer en vir 3 maande te evalueer. Gemeentes kan dan besluit of hulle Doulos Professioneel wil aankoop en of hulle met die gratis ligte weergawe wil voortgaan.
Enige aantal lidmate in die gemeente kan die gratis ligte weergawe van Doulos aflaai en gebruik. Dit stel byvoorbeeld organiseerders en sameroepers in die gemeente in staat om gratis toegang tot Doulos se gevorderde soek en sorteer funksies op hul eie rekenaars te kry sonder om enige programme aan te koop. Met Doulos se gerieflike rugsteun en data inlees opsies kan data maklik na die onderskeie Doulos gebruikers in die gemeente versprei word.
Doulos Professioneel hoef natuurlik nie aangekoop te word om bg. opsies te kry nie.
Omdat Doulos ander rekenaarprogramme se data kan inlees, kan Doulos natuurlik ook gratis saam met ander programme gebruik word. Die kerkkantoor (wat moontlik 'n ander rekenaarprogram as Doulos gebruik) kan byvoorbeeld Doulos se gratis weergawe installeer, en dan die data van die ander program inlees, en dit dan weer met Doulos se rugsteun opsie aan lidmate wat ook Doulos se gratis weergawe op hulle rekenaars het beskikbaar stel. Sodoende kan 'n gemeente baie effektief georganiseer word.
Hier is sommige van die opsies wat die gratis weergawe van Doulos bied:
Lidmaatregister met gevorderde soek en sorteer opsies
Toets RSA ID nommers vir geldigheid
Korrespondensie - Uitstuur en aanvra van lidmaatsertifikate en attestate.
Volledige argief met geskiedenis asook gevorderde soek en sorteer opsies.
Drukstukke van die lidmaatregister.
Data kan van SuperSkriba en Winkerk ingelees word.
Data kan na 'n bestaande databasis van Winkerk uitgevoer word.
Hierdie is sommige van die bykomende opsies wat Doulos Professioneel bied:
Geskiedenisregister, waarmee huisbesoeke deur predikante,ouderlinge en diakens aangeteken kan word. Hierdie geskiedenisregister bestaan uit private en openbare dele, en dus kan inskrywings wat sensitief is privaat (op die gebruiker se eie rekenaar) gehou word, en minder sensitiewe inskrywings kan in die algemene databasis geplaas word waar almal wat die lidmatedatabasis deel dit kan sien.
Lidmate kan ingedeel word volgens kenmerke/eienskappe/gawes ens. Hierdie indelings kan ook privaat of openbaar gedoen word, dus kan 'n predikant 'n gemeente byvoorbeeld opdeel in sy eie groepe, en dit net vir homself privaat op sy rekenaar hou.
Data kan na Excel uitgevoer word
'n Diverse register waar 'n register van algemene persone bygehou kan word. Hierdie register is gekoppel an Doulos se e-pos, sms, Google maps, GPS ens. stelsels. Hierdie register is in groepe ingedeel.
Google Maps is aan die lidmaatregister gekoppel
Groepe sms'e en groepe e-pos boodskappe kan gestuur word.
Eie velde kan geskep en gedefenieer word. Hierdie velde bestaan uit twee groepe van 6, dus 12 velde. Die een groep van 6 is openbaar en die ander groep van 6 is privaat.
Volledige verslagskrywer (Fastreport) is beskikbaar waarmee verslae opgestel kan word wat ook in die gratis ligte weergawe gelees kan word.
'n Jaarbeplanner en 'n dagbeplanner.
En vele meer.